2019 Dagur íslenska táknmálsins

Dagur íslenska táknmálsins verður haldinn hátíðlegur í sjöunda sinn mánudaginn 11. febrúar 2019 í Veröld, húsi Vigdísar Finnbogadóttur, stofu 023, við Háskóla Íslands, Reykjavík.

Málþing á degi íslenska táknmálsins 11. febrúar 2019 á vegum Málnefndar um íslenskt táknmál og Rannsóknastofu í táknmálsfræðum við HÍ, haldið í stofu 023 (fyrirlestrarsal) í Veröld, Háskóla Íslands kl. 16:30-18:00. Dagskráin fer fram á íslensku og íslensku táknmáli.

Dagskrá:

Setning: Forseti Íslands, herra Guðni Th. Jóhannesson setur málþingið

Um uppruna og þróun íslenska táknmálsins / Valgerður Stefánsdóttir fyrrum forstöðukona Samskiptamiðstöðvar heyrnarlausra og heyrnarskertra

Börnin og snjalltækin: Íslenska og íslenskt táknmál í ölduróti samtímans / Sigríður Sigurjónsdóttir prófessor í íslensku við Háskóla Íslands

Þinglok: Bryndís Guðmundsdóttir formaður Málnefndar um íslenskt táknmál varpar hulunni af logoi málnefndarinnar og slítur þinginu

Á milli erinda verða sýnd innslög frá samfélagi döff

Að dagskrá lokinni verður tími fyrir spurningar og samræður yfir kaffiveitingum í boði Málnefndar um íslenskt táknmál

Fimmtudaginn 7. febrúar verða táknmál í aðalhlutverki í Café Lingua í Borgarbókasafni Grófinni: Táknmál – þú hefur það í hendi þér.